بسبب مكرونة نية.. أحمد مالك يكشف كواليس دخوله مجال التمثيل

حل الفنان أحمد مالك، ضيف برنامج "AB Talks" للإعلامي أنس بوخس، وكشف خلاله  كواليس دخوله مجال التمثيل منذ طفولته.

وقال أحمد مالك: وقفت قدام الكاميرا كان عندي 8 سنين، وكنت بعمل إعلان مكرونة والمكرونة كانت نية علشان شكلها يبقى حلو، وكنت باكلها وكنت عايز أرجع، ولكن مينفعش علشان الناس بتزعق.

وتابع: المفروض التجربة دي لطفل مش حلوة، ولكن أنا كنت مبسوط زي يوسف عثمان في فيلم بحب السيما.

وأضاف: دخلت اللوكيشن التصوير وأنا عندي 9 سنين، كنت بحس وقتها أنه شيء بيكسر الواقع اللي كنت عايش فيه.

وأكد أحمد مالك: كنت بحس بالأمان التام في اللوكيشن وأنا عندي 13 سنة.

وأوضح: أنا عندي الجوع بتاع أني معملتش حاجة، مع أني عملت كتير، أنا مش عارف أنا عملت إيه مع أني الحمد لله اشتغلت كتير وعملت حاجات كويسة وممتن للمهنة جدًا.